Хонанда Зиёда ва Мадина Мумтознинг ҳомиладорлигига қизиқаётганларнинг сафи кундан кунга ортиб боряпти. Айниқса, Мадина Мумтознинг интернетдаги саҳифаси орқали ҳолидан хабар олаётган мухлисларининг кети узилмаяпти десак муболаға бўлмас. 

Шифокорларнинг айтишича, Мадина август, Зиёда эса ноябр ойларида фарзанд кўришади. Кўриниб турибдики, Зиёданинг ҳар йили қиш ойларида бўладиган концерт дастури бу йил ҳам қолдириладиганга ўхшайди. Ёдингизда бўлса, ўтган йили тўй муносабати билан концерт бўлмаган эди. 

Аммо хонанда ижоддан тўхтагани, ҳатто, танаффус ҳам қилгани йўқ. Куни кеча Наманган вилоятида гастрол концерт дастурларини тақдим этган Зиёда 4 та янги қўшиғини мухлислар эътиборига ҳавола этишни режалаштиряпти. Бироздан сўнг эса янги мусиқий альбом сотувга чиқади.