voydodmp3.com Musiqiy portal

Manzura yangi "BER BIR IMKON" deb nomlangam klip ovotti

Mexroj — Tue, 13 Aug 2013 09:41:32 GMT

Манзура икки кун давомида тоғ ён бағрида янги "Бер бир имкон" қўшиғига клип суратга олдирди. Қўшиқ мусиқаси Манзураники, аранжировка ва матн Боб(ур) Умаров, Режиссер Сарвар Исаев ва Рустам Муродов, Стилист Февзи, Дизайнер Хилола Шер. Телебошловчи ва ҚВЗ лидери Даврон Кабулов илк маротаба клипда чиқишга рози бўлиб, Манзурани клипида бош рольни талқин этди. Манзуранинг айтишича Даврон кучли махорат билан роль ижро этган. Бир неча маротаба санъаткорлардан клипда чиқиш учун таклифларни рад этиб келган Давронга, албатта савол билан мурожаат қилмай илож йўқ; Даврон Кабулов:- Тўғрисини айтсам, клипда роль ижро қилиш фикрига хамиша салбий қарардим. Лекин ўзимни актерликда синаб кўриш фикри хам йўқ бўлмаган. Бунинг учун, осмондан тап этиб тушгандек, фильмда чиқиб турсам хам бўлмасди, сабаби бунинг учун етарли "база"-тажриба бўлмоғи керак. Клип эса, синалиш учун айни муддао. Бугунги кунгача менга клипда иштирок этиш мурожаати билан чиққан санъаткорларни, ё мавқеи тўғри келмасди, ёки клип сюжетлари. Кейин, шоу-бизнесдагиларни кўпчилигини яқиндан билишга қўрқиб қолганман, кимдир характери билан, кимдир эса фойдаланмоқчи бўлиши билан ўзидан нарига кетказади. Манзура билан унчалик яқин таниш эмасмиз, шунчаки салом-алик ва одамгарчилик тарафлама яхши муносабатдамиз. У менга клипида иштирок этишни таклиф этганида, аввало уч нарсани талаб қилдим: қўшиқни эшитиб кўриш, клип сюжети билан танишиш ва ким суратга оляптгани хақида маълумот. Режиссер Сарвар Исаев ва оператор Рустам Муродов эканлигини билгач, уч талабимдан бири дарров ижобий қониқди, сабаби бу икки ижодкорни ижод махсулотларидан яхши хабардорман ва уларни хурмат қиламан. Клип сюжети бўйича дебют ишим учун, ролим қийин эмасу, лекин енгил хам эмас ва уни бажариб бера олишимга кўзим етди. Қўшиқ хам ижобий кайфиятдаги клуб охангида экан. Оёғим сингани туфайли бассейн процедурасидан қочаётгандим ва клип ғоясига кўра, бассейнга калла ташлаш сахнаси бўлгани учун, бошқа илож қолмади. Қизиғи, бассейн етарли даражада чуқур бўлишига қарамай, биринчи калла ташлаганимдаёқ бошимни уриб олдим (кулади) Суратга олиш пайти, Ўзбекистондаги фантастик иссиқ пайтига тўғри келиб қолгани туфайли, суратга олиш танаффусларида бассейнда чўмилиб турдик. Менга клипда иштирок этиш ёқди ва 2 кунлик суратга олиш ишлари қандай ўтиб кетганини хам сезмай қолдим. Манзура суртага олиш жараёнида "Сен буни эплайсан" деб мени қўллаб-қувватлаб турди. Суратга олиш ишлари тугагач эса, "Актер сифатида сендаги табиийлик менга ёқди" деди. Бошида Манзура билан ёшдаги фарқимиз сезилмасмикан деб иккилангандим, лекин ижодий жамоа бизни мос деб топди.

Жаҳонгир Отажонов телефонда тарқалган видеоси ҳақида нима дейди?

Mexroj — Tue, 13 Aug 2013 09:40:25 GMT

"Whatsapp” дастури орқали ўзбек эстрадасининг ёрқин вакилларидан бири иштирокидаги янги видеоролик тарқалди. Бир неча одам бассейнда чўмилаяпти, улар орасида хонанда Жаҳонгир Отажонов ҳам бор. У сувга ҳатто микрофони билан тушиб, "Чақасан"лаб қўшиқ айтяпти. Бу видео лавҳани қандай тарқалгани, бўлган воқеанинг тарихи билан қизиқдик ва саволларга хонанданинг ўзидан жавоб олдик. Жаҳонгир Отажонов: — Мазкур воқеа бир яқин дўстимизнинг уйида видеога олинган. Дўстлар даврасида ўзим истагандек куйлашим мумкин. Бунинг ёмон томони йўқ, деб ўйлайман. Лекин лавҳани ким тарқатиб юборганини билмайман. Тўғри, ҳамманинг ўз ҳаёти, ўз одатлари бор. Аммо нима бўлганда ҳам, санъаткор халқнинг кўз ўнгида бўлади. Назаримизда, у ҳатто энг яқин дўстларининг даврасида ҳам ўз ҳатти-ҳаракатларини бошқара олиши шарт.

Ижтимоий тармоқларда беҳаё суратларни тарқатганларнинг жазоланиши ростми?

Mexroj — Tue, 13 Aug 2013 09:39:47 GMT

Ўзбекистон Республикаси Жиноят Кодексининг 130-моддасига ўзгартиш киритилган бўлиб, маънавий бузуқлик ва аҳлоқсизлик, геноцит ва сепаратизмни, порнографик ва беҳаёлик акс этган малумотларни ифода этувчи маълумотларни яратиш, сақлаш ва тарқатиш тақиқланган экан. Агар ижтимоий тармоқларда Ўзбекистон Республикаси фуқороси томонидан тақиқланган малумотларга эга бўлган гуруҳлар ёки мавзулар яратилган бўлса, унга дастлабки 30 кунлик огоҳлантириш муддати берилади ва бу муддат ичида улардан тақиқланган маълумотларни ўчириш талаб этилади. Агар 30 кунлик муддат давомида талаб бажарилмаса, ижтимоий тармоқлар маъмурияти билан тузилган шартномага асосан тақиқланган малумотларни яратган, сақлаган ва тарқатаётган фуқароларнинг иденфикацион кодлари ва маълумотлари олинади ва бу маълумотлар асосида айбланувчининг шахси аниқланиб, у истиқомат қилувчи махалла фуқаролар йиғини воситачилигида иккинчи 30 кунлик огоҳлантириш муддати берилади. Агар ўтган 60 кунлик огоҳлантириш муддатида ҳам тақиқланган маълумотлар йўқотилмаса айбланувчига Ўзбекистон Республикаси Жиноят Кодекси асосида жиноятнинг оғирлигига қараб энг кам иш хақининг 400 бараваридан 600 бараваригача ёки муддатли қамоқ жазоси қўлланилади. "Даракчи.Uz” мазкур масала юзасидан Республика Адлия вазирлигига мурожаат қилди, бироқ вазирлик вакили бундай қонун келиб тушмагани, қолаверса қонуннинг конкрет бир ижтимоий тармоққа аталаши мумкин эмаслигини таъкидлаб ўтди. Мамлакатимиз қонунчилигига кўра, қонун лойиҳаси дастлаб Парламентнинг қуйи палатасида қабул қилиниб, сўнгра Сенат томонидан мақулланиши лозим. Бироқ яқин орада мамлакат парламентида шунга ўхшаш масала кўриб чиқилгани йўқ. Шу ўринда эслатиб ўтамиз, 2012 йилнинг 12 апрелида қабул қилинган "Ўзбекистон Республикасининг Жиноят Кодексига ҳамда Ўзбекистон Республикасининг Маъмурий жавобгарлик тўғрисидаги Кодексига ўзгартиш ва қўшимчалар киритиш ҳақида”ги Ўзбекистон Республикасининг Қонунига мувофиқ, Жиноят кодексининг 130-моддаси қуйидагича баён этилган: 130-МОДДА. ПОРНОГРАФИК МАҲСУЛОТНИ ТАЙЁРЛАШ, ОЛИБ КИРИШ, ТАРҚАТИШ, РЕКЛАМА ҚИЛИШ, НАМОЙИШ ЭТИШ Порнографик маҳсулотни тарқатиш, реклама қилиш, намойиш этиш мақсадида тайёрлаш ёки Ўзбекистон Республикаси ҳудудига олиб кириш, худди шунингдек уни тарқатиш, реклама қилиш, намойиш этиш шундай ҳаракатлар учун маъмурий жазо қўлланилганидан кейин содир этилган бўлса, — энг кам ойлик иш ҳақининг 400 бараваридан 600 бараваригача миқдорда жарима ёки 3 йилгача ахлоқ тузатиш ишлари ёхуд 6 ойгача қамоқ билан жазоланади. Ўша ҳаракатлар: а) такроран ёки хавфли рецидивист томонидан; б) бир гуруҳ шахслар томонидан олдиндан тил бириктириб содир этилган бўлса, — 3 йилгача озодликдан маҳрум қилиш билан жазоланади. Вояга етмаган шахс тавсифланган ёки тасвирланган порнографик маҳсулотни тарқатиш, реклама қилиш, намойиш этиш мақсадида тайёрлаш ёки Ўзбекистон Республикаси ҳудудига олиб кириш, худди шунингдек уни тарқатиш, реклама қилиш, намойиш этиш ёхуд вояга етмаган шахсни порнографик хусусиятга эга ҳаракатларнинг ижрочиси сифатида жалб қилиш, — 3 йилдан 5 йилгача озодликдан маҳрум қилиш билан жазоланади». МАЪМУРИЙ ЖАВОБГАРЛИК ТЎҒРИСИДАГИ КОДЕКС «189-модда. Порнографик маҳсулотни тайёрлаш, олиб кириш, тарқатиш, реклама қилиш, намойиш этиш Порнографик маҳсулотни тарқатиш, реклама қилиш, намойиш этиш мақсадида тайёрлаш ёки Ўзбекистон Республикаси ҳудудига олиб кириш, худди шунингдек уни тарқатиш, реклама қилиш, намойиш этиш, — порнографик маҳсулотни, шунингдек уни тайёрлаш, тарқатиш, реклама қилиш ва намойиш этиш воситаларини мусодара қилиб, фуқароларга энг кам иш ҳақининг 50 бараваридан 100 бараваригача, мансабдор шахсларга эса 100 бараваридан 150 бараваригача миқдорда жарима солишга сабаб бўлади».

Ўзбекистон телевидениеси Англия примьер лигаси ўйинлари намойишини сотиб олмоқчи

Mexroj — Tue, 13 Aug 2013 09:39:08 GMT

Ўзбекистон миллий телерадиокомпанияси «Спорт» телерадиоканали учун футбол бўйича Англия Премьер-лигаси ўйинлари трансляциясини сотиб олади. Бу ҳақда ЎзМТРК раҳбари Алишер Ходжаев 10 июль куни компания ходимлари билан ўтказилган мажлисда маълум қилган. ЎзМТРК айни вақтда футбол бўйича Англия Премьер-лигаси, шунингдек, Италия «А» Серияси ҳамда Испания Примьероси ўйинлари трансляциясини сотиб олиш бўйича музокаралар олиб бормоқда. ЎзМТРКдаги манбаларнинг берган маълумотларига кўра, айни вақтда ушбу мусобақаларни Ўзбекистон ҳудудида трансляция қилиш ҳуқуқига эгалик қилувчи ширкатлар ЎзМТРКдан 1 миллион евро атрофида маблағ сўраган. Kun интернет-нашри маълумотларига кўра, ҳозирги кунгача Англия Премьер-лигаси ўйинларини Ўзбекистонга трансляция қилиш ҳуқуқи AMI (Advisers Media International), Испания ва Италия чемпионатларини Ўзбекистон ҳудудида эфирга узатиш ҳуқуқи эса EBEL (Eurasian Broadcasting Enterprise LTD) компанияларига сотиб бўлинган ва ЎзМТРК олдинига айнан мазкур компаниялар билан музокара олиб борганди. Бироқ улар қўйган нарх ЎзМТРКни қониқтирмагани учун, ҳозирда бевосита чемпионатларнинг ўзи билан музокаралар олиб борилмоқда. Маълумот ўрнида, Ўзбекистон миллий телерадиокомпаниясининг «Спорт» телерадиоканали кўп йиллардан бери трансляция ҳуқуқини сотиб олмай, Англия Премьер-лигаси ва Европанинг бошқа миллий чемпионатлари ўйинларини намойиш этиб келган. Бироқ 2013 йил май ойида, маълумотларга кўра, AMI ва EBEL компанияларининг тегишли мурожаатларидан сўнг, «Спорт» телерадиоканали Англия, Италия ва Испания чемпионатлари ўйинлари трансляциясини тўхтатган ва ушбу мусобақаларнинг сўнгги тур ўйинлари телеканал томошабинларига намойиш этилмаган. Қайд этиш жоиз, ЎзМТРК сўнгги халқаро йирик спорт мусобақалари, жумладан, футбол бўйича 2008 ва 2012 йилги Европа чемпионатлари, 2010 йилги жаҳон чемпионати, шунингдек, Олимпиада ўйинлари баҳслари ҳуқуқларини мунтазам сотиб олади. Компаниядаги манбаларнинг берган маълумотларига кўра, ЎзМТРК бундай қисқа муддатли мусобақаларнинг трансляция ҳуқуқини сотиб олиш ва ундан фойда кўриш бўйича тизимни ишлаб чиққан ва фойда кўрган ҳам. Ушбу мусобақалар трансляция ҳуқуқини сотиб олиш учун қанча маблағ сарфлангани ва қанча фойда кўрилгани тўғрисида маълумотлар йўқ.

Galaxy S4ни 2,5 млн. сўмгача харидқилиш мумкин

Mexroj — Tue, 13 Aug 2013 09:38:31 GMT

Ўтган ҳафтада Тошкентда Samsung Galaxy S4 смартфонининг тақдимоти бўлиб ўтди. «Samsung Electronics Co. Ltd» компаниясининг Марказий Осиё ва Кавказ мамлакатлари бўйича директори Син Сик Чой янги техниканинг нархи ҳамда унинг айрим иловалари тўғрисида маълумот берди. «12 ойлик расмий кафолати бўлган Galaxy S4 смартфонлари 10 майдан эътиборан сотувга чиқди. Айни дамда смартфоннинг нархи 2 млн.дан 2,5 млн. сўмгача ташкил қилмоқда. Нархлар Samsung компанияси томонидан белгиланмайди, барча нархлар дилер ва дўконга боғлиқ. Директор янги смартфоннинг S- Translator илова имконияти хақида гапирар экан шундай дейди, - "Янги илова бир тилда айтилган сўзни илғаб олиб, ўша заҳоти бошқа тилга ўгириб бериш имкониятига эга. S- Translator айни дамда 10 та тилни қўллаб-қувватлайди (аниқроғи 9 тил, сабаби инглиз тили Британия ва Америка талқинида ишлатилган)”. Рўйҳатга ўзбек тили киритилмаган ва уни киритиш хақида ҳам ҳозирча аниқ маълумотлар йўқ. Эслатиб ўтамиз, «Samsung Electronics Co. Ltd» компанияси Ўзбекистонда 10 йилдан ортиқ фаолият юритмоқда.

Уммон қўшиқ айтиш ҳуқуқидан маҳрум бўлди

Mexroj — Tue, 13 Aug 2013 09:37:54 GMT

Дилфуза Раҳимова, Отабек Муталхўжаев, Дилшод Раҳмонов, "Уммон” ва "Манго” гуруҳлари хонандаларининг лицензиялари амал қилиш муддати тугатилди. Бу ҳақда "Ўзбекнаво" бирлашмаси матбуот хизмати хабар берган. Хабарда таъкидланишича, миллий эстрада санъатини ривожлантириш ва мувофиқлаштириш Кенгашининг 2013 йил 23 март куни ўтказилган "Ўзбек эстрада санъатининг ривожланиш жараёнлари ҳақида”ги 2-сон йиғилишида ҳукумат томонидан эстрада санъати соҳасида фаолият юритаётган ижодкорлар учун шарт-шароитлар яратилгани қарамасдан, кўпгина эстрада хонандалари бундай имкониятлардан тўғри фойдаланиш ўрнига уни суиистеъмол қилаётганлиги танқид қилинган. Бундан ташқари, ёш хонандалар айниқса, унвон олган хонандаларда талабчанлик йўқолиб, ҳотиржамликка, ўзибўларчиликка берилишаётгани, аксар холларда хонандаларининг репертуаридан ўрин олган қўшиқлар мазмунан саёзлиги, бадиий жиҳатдан бўшлиги, мусиқаси ва ижро маҳорати талаб даражасида эмаслиги, хонандалар асосан тўй-ҳашамлар билан банд бўлиб, янги ижод намуналари яратишга етарли эътибор қаратмаётганлиги, шунингдек, миллий- маънавий қадриятларга, одоб-аҳлоқ меъёрларига ва менталитетга зид бўлган қўшиқлар яратиб, эфирга узатилаётганлиги ҳам кескин қораланган. Мазкур йиғилишда берилган вазифаларнинг ижроси мониторинг қилинганда бир қатор хонандалар ўз вақтида янги асарлар тақдим этганлиги ва аксинча, баъзи хонандалар қарор ижросини таъминламаганлиги, бу орқали эса Лицензия талаблари ва шартларини бузганлиги аниқланган. "Ўзбекнаво"дан хабар беришларича, Ўзбекистон Республикаси Президентининг 2013 йил 12 июнь "Ўзбекистон Республикаси давлат мустақиллигининг йигирма икки йиллик байрамига тайёргарлик кўриш ва уни ўтказиш тўғрисида”ги ПҚ-1984-сон Қарори мазмун- моҳиятини тўлиқ англаб етмай, байрам тантаналари учун янги қўшиқ тайёрлаш борасида жиддий камчиликка йўл қўйган бир қатор эстрада хонандаларига берилган лицензиянинг амал қилишини тугатиш ҳамда баъзи хонандаларни огоҳлантириш мақсадида "Фаолиятнинг айрим турларини лицензиялаш тўғрисида”ги Ўзбекистон Республикаси Қонунининг 22-24-моддалари ҳамда Ўзбекистон Республикаси Вазирлар Маҳкамасининг 2003 йил 11 ноябрдаги 498- сон Қарорининг 1-иловаси 35-бандига асосланиб, жорий йилнинг 18 июнь куни Бирлашманинг МР-11/1-сон буйруғи қабул қилинган.

Севги севги бўлмай қолдими?

Mexroj — Sat, 03 Aug 2013 19:04:06 GMT

Ёр юзини бир кўрмоққа зор
Фарёд қилиб ўтди устозлар.
Замон ўзга энди, ўзга ёр,
На парда бор, на ишва-нозлар.

Мумтоз шоир қайтса тирилиб,
Ўзга байтлар айтиб кетарди.
Қўлни юзга пардалар қилиб,
Замонига қайтиб кетарди.
Эркин Воҳидов.

Яқинда дугонам билан ишдан чиқиб, хиёбондан юриб борарканмиз, майсалар устида бир-бирига бемалол суяниб ўтириб олган йигит-қизни кўриб, энсамиз қотди. Кўринишидан шаҳарлик эмас, афтидан, ўқишга келган бўлса керак. Қилиқларини хушламаганимизни сезишдими, билмадим, бизни кўриб, дарровгина туриб кетишди. Мен бўлсам, яна шу мавзу — бугунги ёшларнинг "севги” дея аталган енгил-елпи муносабатлари ҳақида ўйланиб қолдим.

Аслида, муҳаббат, севги енгил-елпи қарайдиган, бемалол эрмак қилса бўладиган туйғу эмас. Унинг кучи, қудрати ҳақида узоқ гапириш мумкин. Лекин мақсад муҳаббатнинг таърифини келтириш эмас, балки, ҳозирги ёшларнинг бу туйғунинг қадрини ерга уриб, эрмак қилаётгани, қанча-қанча буюк шоирлар улуғлаб, дурдона асарларига мавзу қилиб олган севги бугун севги бўлмай қолгани ҳақида бир мулоҳаза юритишдир.

Юқорида тилга олинган ҳолат, йигит-қизларнинг кўча-кўйда ҳеч тортинмай, қўлтиқлашиб, қучоқлашиб юриши, ачомлашиб суратга тушиши, хиёбону боғларни учрашув (ҳиссиётларни намойиш қилиш!) жойига айлантиргани ҳеч биримиз учун янгилик эмас. Биз уларни кўрмай, тўғрироғи, эътибор бермай, ёки нари борса, "Ўл-а суйкалишмай!” деб ўтишни ҳам ўрганиб олдик. Яъни бундай ҳолатлар одатий, кўникиш мумкин бўлган бир жараёнга айланиб қоляпти. Аммо чуқурроқ ўйлаб қараганда, бунга асло кўникиб бўлмаслигига иқрор бўламиз. Масалан, хиёбонда йигит билан қучоқлашиб ўтирган қиз ўрнида ўз қизингиз ёки синглингизни тасаввур қилиб кўринг. Бунга қанчалик кўника оласиз? Бу ҳолатни табиий деб қабул қиласизми? Ёки ўша қиз ўрнида қўшни қиз, бирорта танишингиз бўлса ҳам, "Ўл-а суйкалишмай!” деб ўтиб кета оласизми? Йўқ, албатта.

Атрофимизни тўлдириб юрган шундай йигит-қизларнинг тасаввурида севги деган туйғу нима ўзи? Улар бу туйғуни китобларда ўқиб (агар ўқиган бўлса!), фильмлару сериалларда кўриб, ўзлари учун бир қолип ясаб олишганмикин? Йигит ва қизни боғлаб турган ҳар қандай ҳиссиётни муҳаббат деб аташ мумкин деб ўйлашармикин? Аслида, бугун бир-бирига севги изҳор қилиб, "сенсиз ўламан”, "у бўламан, бу бўламан” деб юрганларнинг қанча-қанчасининг юракларини муҳаббат тугул, ҳеч қандай туйғу, ҳеч қандай ҳиссиёт боғлаб тургани йўқ. Бугун бир инсонга нисбатан туғилган севги эртага сўниб, бошқага нисбатан туғилиши ҳам оддий ҳолга айланиб қоляпти. Биттаси тўғри келмагач, "Э, қуриб кет, сен бўлмасанг, бошқаси! Дунёда йигит (ёки қиз) қуриб қоптими?!” дея бошқасини топиб олиш ҳам бугунги ошиқ-маъшуқлар учун чўт эмас. Ришталарнинг боғланиши ёки узилиши шу қадар осонки, кўнгил қурғурнинг беқарорлигидан беихтиёр ҳайратга тушасиз.

Замонавий ошиқ-маъшуқларнинг бир-бирига муомаласи, муносабати янада кўпроқ таажжубга солади. Уларнинг муомаласида на тортиниш, на ўзаро ҳурмат сезилади. Баъзан бир-бирларига шундай хунук ва қўпол сўзлар билан мурожаат қилишадики, уларнинг кўнглида севги тугул, ҳурмат ҳам, ҳавас ҳам йўқлигига иқрор бўласиз. Энг ёмони, улар бундай муносабатни ҳеч ранжимай, одатий ҳолдек қабул қилишади ва ўз қадрларини ер билан битта қилаётганлари тўғрисида мулоҳаза ҳам юритиб кўришмайди. Бир гал ана шундай ошиқ-маъшуқларнинг суҳбати қулоғимга чалинди. Йигит қизга "қовун” деб мурожаат қиляпти, қиз эса пинагини ҳам бузмайди, ҳиринглайди. Демак, у бундай мурожаатларга, полиз экинига тенг, балки, ундан-да пастроқ кўришларига аллақачон кўникиб кетган. Қиз ўз қадрини билганидами, йигитнинг нафақат мурожаати, балки, муносабати ҳам полиз экинига нисбатан қандай бўлса, худди шундай бўлишини, севган одам ҳеч қачон бундай пастга урмаслигини бир ўйлаб кўрган бўларди. Ёки чиройли мурожаат сўзлари архаизмга айланиб, замонавий ошиқ-маъшуқларнинг луғатида шундай лақаблар пайдо бўлганми? На қарашларда ҳаё бор, на сўзлашларда. Айниқса, қизларнинг юзида парда қолмаётганини кўриб, беихтиёр одамнинг ўзи уялиб кетади.

Қизиғи, замонавий ошиқ-маъшуқларнинг кўнглида теран ҳиссиётлар бўлмаса-да, севги изҳорларини қойил қилишади. Уларнинг бир-бирига ёзаётган SMSлари, хатларини ўқиб, бу гапларни сўзга уста биронта шоир ёзган бўлса керак деган хаёлга борасиз. Сиз ҳиссиётсиз деб атаётган ёшларнинг туйғулари шу қадар кучли эканлигидан беихтиёр хижолат ҳам тортасиз. Лекин улар бундай чиройли гапларни, гўзал шеърий сатрларни интернет сайтларидан ва уяли телефонларга хизмат кўрсатувчи турли порталлардан кўчириб олишаётганини билгач, тилингизни тишлайсиз... Аслида, мавжуд бўлмаган ҳиссиётнинг изҳори бировнинг тилидан айтилаётганидан ажабланмаса ҳам бўлади. фақат бир нарсадан — биз ардоқлаган, кўнгилнинг энг тубида сақлашни муносиб билган, Кумуш ва Отабекни боғлаган, шарқона ҳаё ва ибога йўғрилган муҳаббат туйғуси бугунги йигит-қизлар наздида шу қадар пастлашиб, хорланаётганидан хафа бўлиб кетади одам. Ўзбегимнинг йигит-қизларига бундай хатти-ҳаракатлар, туйғуларни калака қилишлар сира-сира ярашмайди, назаримда. Аммо инсонга севишни ўргатиб бўлмаганидек, қандай севишни ҳам ўргатиб бўлмайди. Фақат бир истиҳола мавжуд: ҳамма нарса, инсоннинг дунёқараши, олий туйғулар, қадриятлар, жумладан, муҳаббат ҳақидаги тасаввур-тушунчаси энг аввало тарбияга, жамиятга, яқинларига боғлиқ.

Менимча, шарқона муҳаббатни, туйғуларга ҳурматни кўриш истагида эканмиз, бу борада ҳам тарбияга суянишимиз кераклигини унутмасак, яхши бўларди. Эҳтимол, шунда ўзбек йигитлари орасида қуйида Музаффарнинг шеърида айтилганидек ўзбек қизлари шаънига севишни корейс қизларидан ўрганиши кераклиги ҳақида таънаю маломатлар ёмғири ёғилмас:

Доғ тушди муҳаббат деган бўстонга,
Йўқдир Ширинларнинг ҳатто излари.
Бирровгина келиб бизнинг томонга,
Севишни ўргатинг, корейс қизлари!

Гўзалликда ўзбек қизлари гўзал,
Нозланишда бири биридан ўзар,
Лекин севолмайди — ҳаммаси ўжар,
Севишни ўргатинг, корейс кизлари.

Бўёқдан кўзи-ю қошлари фаранг,
Ўн саккизга чиқмай тортилган таранг.
Ўзи-ку, Кумушмас, сочи кумуш ранг —
Севишни ўргатинг, корейс кизлари.

Оврупача занжир тушмас билакдан,
Сузилиб, қош қокар ортиқ керакдан.
Уларга ўзингиз каби юракдан —
Севишни ўргатинг, корейс қизлари.

Чин бахтни тиллою бойликда билар,
Севаман деб айтсанг, устингдан кулар,
Сиздек чин севгига етмаган улар,
Севишни ўргатинг, корейс қизлари.

Чеҳрангиз ҳаёдан гул очмиш наргиз,
Шарқона солланиб юришларингиз,
Бунча ширин кулиб туришларингиз-
Севишни ўргатинг, корейс қизлари.

Тошкандан Сеулга бир йўл очаман,
Келинг, пойингизга гуллар сочаман.
Йўқса, бирингизни олиб қочаман.
Севишни ўргатинг, корейс қизлари!.
Суйишни ўргатинг, корейс қизлари...

Алишер Иргашев, менеджер: — Замон ва макон ўзгармайди, лекин тарбия ва дунёқараш тез ўзгаради. Ҳозирги вақтда муҳаббатга бўлган талаб даражаси аввалги вақтларга нисбатан юқорироқ. Негаки, аввалги тақиқлар, эркак ва аёллар ўртасидаги муносабатлар йигит ва қизларга кўп талаб қўйишни тақозо этмасди. Ҳозирги ёшлар эса нафақат йигит ва қизнинг жамиятдаги ўрни (!), балки унинг ташқи кўриниши, касби, юриш-туриши, кийиниши, қолаверса, унинг жисмоний томонларига ҳам талаб қўйишади. Илгари одамлар бирор қизнинг таърифини эшитиб ёки ўзлари гувоҳ бўлиб, муҳаббат туйғусини ҳис қилганлар. Ҳозирда эса "кўр” муҳаббатни учратиш қийин, кўпроқ аниқ ҳисобларга ва талабларга кўра муҳаббатга интиладилар. Шу сабабли ҳам айни вақтда Фарҳод ва Ширинларни топиш қийин. Уларнинг муҳаббати соф ва пок бўлган. Айни вақтларда эса кўпинча боғланиб қолиш, ўрганиб қолиш, бир-бирини тушуна олиш эвазига муҳаббат тушунчаси шаклланиб бормоқда. Мен соф муҳаббат деганда инсоннинг жавобсиз муҳаббат ҳолатида ҳам севишда давом этишини тушунаман. Ҳозирда эса жавобсиз севги албатта йўқотиш билан чегараланади. Фарҳод Ширинни ойнаи жаҳонда кўриб севиб қолган ва муҳаббати учун интилган. Ҳозиргилар эса севиб қолишдан аввал ўйлаб кўришади

Дилдора Исроилова, уй бекаси: — Бугунги кунда муҳаббат бормикан ўзи? Йўқ! Ҳозирги вақтда, йўқ, сўнгги 25 йил ичида муҳаббат деган туйғу йўқ бўлиб кетяпти деб ўйлайман. Нафақат йигит-қизлар, балки, қариндош-уруғлар, дўстлар ўртасидаги меҳр-оқибат ҳам йўқолиб кетяпти. Бу ҳолатни кўриб, гоҳида ДОД деб юборгинг келади.

Холида Йўлчиева, ҳамшира: — Болалигимда муҳаббатнинг борлигига ишонардим, аммо энди... Тўғриси, бугун атрофимдагиларга қараб, бу туйғунинг борлигидан шубҳаланиб қолдим. Ахир севги бир-бирига ҳар икки соатда қўнғироқ қилиб, нималар билан машғуллигини суриштиришдан ёки соатлаб гап сотишдан, боғларда айланиб юришдан иборат эмас. Қолаверса, бугун биттасини севган йигит-қизларнинг эртага бошқасини ўзига "ёр” қилиб олиши ҳам янгилик бўлмай қолди. Шундайларни кўриб, севгининг мавжудлигига ишонмай қўясан...

ШОХРУХ: "ТВга ЯНГИ КЛИПИМНИ ҚАБУЛ ҚИЛИШМАДИ...БИРОҚ..."

Mexroj — Sat, 03 Aug 2013 19:03:05 GMT

ШОХРУХ: "ТВга ЯНГИ КЛИПИМНИ ҚАБУЛ ҚИЛИШМАДИ...БИРОҚ..."

ПОЗИЛЖОНОВНИНГ УСМОНОВАГА МЕҲР-МУҲАББАТ ИЗҲОРИ!?

Mexroj — Sat, 03 Aug 2013 19:01:30 GMT

ПОЗИЛЖОНОВНИНГ УСМОНОВАГА МЕҲР-МУҲАББАТ ИЗҲОРИ!? ҚЎШИҚ ҲАМ "НИЛУФАР", КЛИПДА ҲАМ НИЛУФАР!

ҚАРАНГ, ЮЛДУЗИМИЗГА БУ ҲОЛ ҚАНЧАЛАР ЯРАШАРКАН?!

Mexroj — Sat, 03 Aug 2013 18:59:48 GMT

"БЕШИКДАН ТО ҚАБРГАЧА ИЛМ ИЗЛА!"