Ўзбекистон ёшлар терма жамоаси билан Туркиядаги 
Жаҳон чемпионатида бўлиб турган ЎФФ матбуот хизмати 
вакили Муҳрим Аъзамхўжаевнинг хабар беришича, бугун 
бўлиб ўтиши режалаштирилган ўйинолди матбуот анжумани ўтказилмади. "ФИФА маҳаллий ташкилий қўмитаси қарорига кўра, 
Франция - Ўзбекистон ўйинолди матбуот анжуманлари, 
журналистлар йўқлиги сабаб, ўтказилмади", дейилади 
Ўзбекистон U20 терма жамоасига бағишланган саҳифада. Хабарингиз бор, Туркиядаги мусобақага Ўзбекистондан бир 
неча нафар журналистлар боришганди. Аммо улар гуруҳ 
ва нимчорак финал босқичидан кейин юртимизга қайтиб 
келишди. Демак, франциялик журналистлар ҳам Туркияга 
келишмаган ёки қайтиб кетишган.